Welkom by die SAVN

Die Suider-Afrikaanse Vereniging vir Neerlandistiek (SAVN) is in 1991 gestig en ondersteun die beoefening, onderrig en bevordering van die Neerlandistiek – die Nederlandse taal, letterkunde en kultuur – in Suider-Afrika. Die SAVN werk nou met die Nederlandse Taalunie (NTU) saam en ontvang ook finansiële steun van hierdie liggaam.

​

Die hooffokus van die SAVN se aktiwiteite is op die universitêre Neerlandistiek gerig, en sluit die volgende in:

​

• Befondsing van (ad hoc-) gasdosentskappe in Neerlandistiek aan Suider-Afrikaanse universiteite;

• Die aanbied van ’n jaarlikse winterskool in Suid-Afrika vir Neerlandistiekstudente;

• Die aanbied van ’n driejaarlikse internasionale Neerlandistiekkongres in Suider-Afrika;

• Die organisering van 'n Neerlandistiekwisselleerstoel en 'n -dosentskap in samewerking met die Taalunie, die Internationale Vereniging voor Neerlandistiek (IVN) en plaaslike universiteite;

• Die publikasie van ’n geakkrediteerde vaktydskrif, die Tydskrif vir Nederlands en Afrikaans (TNA); 

• Die bevordering van die Neerlandistiek onder die algemene publiek deur middel van aktiwiteite en optredes (deur skrywers, akademici en musikante) by boeke- en kunstefeeste; en

• Skakel met (naas die NTU) die Kaapse Forum en die Noordelike Kennisnetwerk vir Neerlandistiek (NKN), die Koninklijke Nederlandse Ambassade, die Belgiese Ambassade, die IVN en die Suid-Afrikaanse Sentrum vir Nederland en Vlaandere (SASNEV) . Hierbenewens skakel die SAVN ook met verskeie organisasies in Nederland en Vlaandere.

 

Lees gerus die Desember 2024-uitgawe van die SAVN-nuusbrief en kyk na die res van hierdie webwerf om meer van ons werksaamhede te leer.

​